Një banesë është përfshirë nga flakët pasditen e sotme. Sipas raportimeve, ngjarja ka ndodhur në Hoxhare të Fierit, në katin e parë të një pallati tre – katësh.
Menjëherë në vendngjarje kanë shkuar shërbimet e policisë dhe forcat zjarrfikëse ku falë ndërhyrjes së tyre, zjarri u vu nën kontroll.
Sipas informacioneve nga vendngjarja, në momentin e rënies së zjarrit, në banesë ndodheshin dy të moshuar të cilët kanë arritur të dalin në kohë. Fatmirësisht nuk ka patur persona të lënduar, por vetëm dëme materiale ndërsa të moshuarit janë dërguar drejt spitalit rajonal të Fierit për shkak të asfiksimit nga tymi.
Nga të dhënat e para dyshohet se zjarri u shkaktua nga një shkëndijë elektrike.
Discussion about this post