Një magazinë në Berat është përfshirë nga flakët pasditen e kësaj të diele. Mësohet se magazina, në lagjen “Uznovë” shërben për ruajtjen e ushqimit të bagëtive, me silazh dhe jonxhë.
Ende nuk dihet shkaku i rënies së zjarrit, por ka pasur një ndërhyrje të shpejtë nga zjarrfikësit.
Si pasojë e zjarrit u shkrumbuan totalisht brenda magazinës 60 bala me ushqim për kafshët, jonxhë e foragjerë, rezervat e ushqimeve të banorëve të zonës për të ushqyer bagëtitë gjatë stinës.
Ende nuk dihet nëse zjarri ka qenë i qëllimshëm apo jo, ndërkohë që po punohet për zbardhjen e shkaqeve të tij.
Magazina e përfshirë nga flakët ndodhej pranë Fabrikës së lëkurëve dhe një fabrike të prodhimit e përpunimit të sallamit, që fatmirësisht nuk patën asnjë problem pasi forcat zjarrfikëse bënë të mundur lokalizimin e flakëve në 30 minuta.
Discussion about this post