Përfshihet nga flakët makina në Vlorë, rrezikon edhe mjetet e tjera aty pranë

Një automjet është përfshirë nga flakët mesditën e sotme në lagjen “10 korriku” në qytetin e Vlorës.

Në fotot që kanë mbërritur në redaksinë e Gijotina.com nga vendi i ngjarjes dhe operacioni i zjarrfikësve të Vlorës, shihet se automjeti tip “Golf” ka qenë i parkuar poshtë një pallati dhe ka rrezikuar dhe mjetet e tjera që ndodheshin pranë.

Fatmirësisht ndërhyrja e zjarrfikësve në kohë ka arritur ta shpëtojë mjetin që ishte përfshirë nga flakët dhe të izolojë zjarrin. Ende nuk dihet se cili ka qenë shkak i zjarrit dhe policia ka nisur hetimet.