Përfshihet nga flakët një apartament në Tiranë, evakuohen me urgjencë banorët

Në orët e para të mëngjesit të sotëm në Tiranë, në vendin e quajtur “Te Katrori”, një zjarr ka përfshirë katin e katërt të një pallati.

Raportohet se si pasojë e flakëve ka vetëm dëme materiale. Ndërkohë në vendngjarje ndodhet forcat zjarrfikëse të cilat po punojnë për shuarjen e flakëve. Focat zjarrfikëse kanë evakuar menjëherë banorët nga pallati, për shkak se flakët rrezikonin edhe katet e tjera. Nga ana tjetër, po vijon puna për zbardhjen e rrethanave të ngjarjes dhe përcaktimin e shkakut të rënies së zjarrit.

“Me datë 23.11.2021, rreth orës 07:58 në Allias, në vendin e quajtur “Te Katrori”, ka rënë zjarr në katin e katërt të një pallati, ku ka vetëm dëme materiale.
Shërbimet e Policisë bënë evakuimin e menjëhershëm të banorëve të pallatit. Në vendngjarje ndodhen forcat zjarrfikëse të cilat po punojnë për fikjen e zjarrit. Vijon puna nga Grupi Hetimor për zbardhjen e rrethanave të ngjarjes dhe përcaktimin e shkakut të rënies së zjarrit” – thuhet në njoftimin e policisë së Tiranës.