Një pjesë e një banese u përsfshi nga flakët fatmirësisht pa shkaktuar dëme në njerëz, ndërsa ekipet zjarrfikëse kanë lokalizuar flakët që mund të përhapeshin në të gjithë shtëpinë apo banesat përreth.
Ngjarja ka ndodhur në fshatin Boshanj të Ersekës, ku ndërtesa e ulët në oborrin e shtëpisë që përdoret për gatim, që ishte në pronësi të shtetasit D.H, u përfshi nga flakët.
Shkaku i rënies së zjarrit ende nuk është i qartë po dyshohet të ketë ardhur nga oxhaku apo një shkëndijë elektrike, pasi fillimisht është prekur çatia.
Dy personat të cilët banonin aty kanë dalë menjëherë duke lajmëruar dhe shërbimin zjarrfikës, të cilët momentalisht po bëjnë të mundur fikjen e zjarrit.
Dëmet janë të konsiderueshme ndërkohë që është shpëtuar shtëpia dhe shtëpitë përreth, pasi zjarri i rrezikonte.
Discussion about this post