Është përfshirë nga flakët një banesë private në Elbasan Ngjarja është regjistruar rreth orës 12:55. Burime zyrtare bënë me dije se zjarri ka përfshirë banesën e një familje në lagjen “5 Maji”, pranë godinës së Gjykatës së Elbasanit dhe flakët janë përhapur me shpejtësi në të gjitha ambientet e kësaj banese.
Nuk janë zbardhur ende shkaqet e rënies së zjarrit dhe paraprakisht dyshohet që të jenë shkaktuar nga ndonjë qark i shkurtër në rrjetin elektrik.
Në vendngjarje për izolimin e flakëve dhe fikjen e tyre kanë shkuar dy automjete zjarrfikëse dhe disa punonjës të këtij shërbimi. Deri më tani nuk raportohet për dëme në njerëz.
