Merr flakë një furgon teksa ishte duke qarkulluar në aksin nacional Krahës-Mallakastër.
Ngjarja ka ndodhur pak pas orës 08:00 të ditës së sotme në afërsi të fshatit Krahës, 1 Bashkia Memaliaj. Furgoni ishte i ngarkuar me mallra dhe fatmirësisht nuk ka pasur persona të lënduar.
Policia dhe zjarrfikësit kanë shkuar në vendngjarje për të sqaruar shkaqet dhe rrethanat e zjarrit. Mendohet se pista kryesore është një defekt në rrjetin elektrik të furgonit.
“Rreth orës 08:15, në aksin rrugor “Krahës-Memaliaj”, në vendin e quajtur Zhulaj, ka marrë flakë dhe është djegur një mjet tip furgon “Mercedes Benz” në pronësi të shtetasit G. T., 48 vjeç, banues në Durrës. Zjarri dyshohet të jetë shkaktuar si pasojë e një shkëndije elektrike. Grupi hetimor po punon për sqarimin e plotë të rrethanave të rastit”, njoftoi policia.
Discussion about this post