Një incident ka ndodhur rrugës për në Teqenë e Kulmakut, ku një automjet si pasojë e një defekti në motor ka pësuar djegie por nuk raportohet për të lënduar.
Dita e sotme shënon nisjen e Pelegrinazhit në Malin e Tomorrit, ku qindra besimtarë bektashinj bëhen pjesë e pelegrinazhit. Çdo vit në Teqenë e Kulmakut rreth 300-400 mijë pelegrinë nga e gjithë Shqipëria, Diaspora e bota.
Teqeja e Kulmakut është përgatitur dhe ka hapur dyert për të pritur pelegrinët, që do të bëhen pjesë e kësaj feste si dhe janë të gjitha marrë masat që në malin e Tomorrit të mos mungojnë çadrat për pelegrinët, tualetet, ndriçimi dhe uji i pijshëm. Gjatë 5-ditëve të pelegrinazhit, në Teqenë e Kulmakut dhe pranë varrit të Abaz Aliut kryhen ritet fetare të festës, ku çdo pelegrin falet për shëndet, mirësi e paqe në familjet e tyre.
Të gjithë besimtarët dhe pelegrinët që i bashkohen kësaj feste të shenjtë dhe ngrenë çadrat e tyre në këtë vend të shenjtë duke kryer jo vetëm kurbanin e festës, por duke ngjitur me këmbë edhe majën e Malit të Tomorrit, i cili ndodhet 2416 metra mbi nivelin e detit. Ditët e pelegrinazhit në Malin e Tomorrit përfundojnë në 25 Gusht, por kulmi i kësaj feste arrin në datën 22 dhe 23 Gusht.
Discussion about this post