Përfshihet nga flakët një parcelë në Gjirokastër, dyshohet se zjarrvënësi…

Një zjarr ka rënë paraditen e sotme në hyrje të fshatit Erind të Bashkisë Gjirokastër.

Flakët e zjarrit kanë arritur edhe në një parcele të sapombjellë, ndërkohë që ka rrezikuar edhe ullishtet në parcelën ngjitur saj.

Në vendngjarje ka shkuar reparti zjarrfikës, i cili ka bërë të mundur shuarjen e menjëhershme të flakëve dhe mosavancimin e flakëve në drejtim të ullishteve dhe drurëve frutorë.

Zjarrvënësi mendohet të jetë pronari i parcelës. Policia po heton për zbulimin dhe identifikimin e autorit të vënies së zjarrit.