Përfshihet nga flakët një qendër tregtare në Marikaj

Një ambient biznesi është përfshirë nga flakët në Marikaj të Vorës.

Ende nuk dihen detaje sa i përket shkakut të zjarrit, por zjarrfikësit ndodhen  në vendngjarje dhe po punojnë për shuarjen e zjarrit në godinën e përbërë nga disa dyqane veshjesh.

Në vendngjarje kanë mbërritur disa zjarrfikëse, përfshirë edhe një nga Kamza.

Shkak i zjarrit në dyqanin “Shop Marikaj” dyshohet paraprakisht të jetë bërë një furnelë elektrike që përdoret për ngrohje.

Burime bëjnë me dije se në momentin kur ra zjarri në godinë nuk ndodhej asnjë punonjës, ndërsa dëmet materiale janë të shumta.

Mësohet se zjarri fillimisht ka nisur në katin e dytë të qendrës tregtare, duke u përhapur më pas në të gjithë godinën.