Përfshihet nga flakët “Range Rover”-i në Gjirokastër, ja në pronësi të kujt ishte

Një automjet tipit Range Rover është përfshirë nga flakët e zjarrit mëngjesin e sotëm në lagjen Dunavat të qytetit të Gjirokastrës. Mjeti ndodhej i parkuar dhe në momentin që kanë shpërthyer flakët, banorët kanë njoftuar menjëherë autoritetet lokale.

Forcat zjarrfikëse kanë mbërritur me shpejtësi në vendngjarje dhe kanë mundur të neutralizojnë flakët.

Ende nuk dihen shkaqet e zjarrit, ndërkohë që policia ka nisur hetimet për të zbardhur rrethanat e ngjarjes.

Mësohet se automjeti ishte në pronësi të Rigels Melës.

Njoftimi i policisë

Në orën 09:10 të mëngjesit të sotëm, Drejtoria e Mbrojtjes nga Zjarri dhe Shpëtimi në Gjirokastër mori njoftim për një zjarr në lagjen Dunavat. Menjëherë u dërgua në vendngjarje një automjet zjarrfikës me tre efektivë.

Zjarri kishte përfshirë një automjet tip ‘Range Rover’. Falë ndërhyrjes së shpejtë të zjarrfikësve, flakët u izoluan dhe u shuan plotësisht, duke shmangur përhapjen.