Një shkollë është përfshirë nga flakët në Mallakastër. Mësohet se zjarri në shkollë “Hajredin Fratari” në fshatin Fratar ka rënë rreth orës 15:45.
Në momentin që ra zjarri në shkollë nuk ka pasur nxënës, raporton policia.
“Në datë 15.05.2023, rreth orës 15:45, në shkollën “Hajredin Fratari” në fshatin Fratar ka rënë zjarr.
Gjatë kohës që ka rënë zjarri, nuk ka pasur nxënës në shkollë.
Paraprakisht dyshohet se zjarri ka rënë për shkaqe aksidentale.
Në vendngjarje kanë shkuar shërbimet e Policisë dhe shërbimet zjarrfikëse të cilat po punojnë për fikjen e zjarrit.
Grupi hetimor po punon për përcaktimin e shkaqeve të rënies së zjarrit”, njofton policia.
Por 5 automjete zjarrfikse te Fierit, Patosit , Albpetrolit dhe Mallakastres kanë bërë të mundur shuarjen e flakëve në gjimnazin “Hajredin Fratari” në Fratar të Mallakastrës.
Si pasojë e përhapjes së flakëve është djegur e gjithë çatia e shkollës, por falë ndërhyrjes së shërbimit zjarrfikës është bërë i mundur neutralizimi i flakëve që rrezikonin të përhapeshin në të gjithë godinën dhe banesat pranë. Nderkohë grupi hetimor po punon për përcaktimin e shkaqeve të rënies së zjarrit.
Discussion about this post