Përfshihet nga zjarri një hotel në Devoll, dyshimet e para…

Zjarri ka përfshirë një hotel në fshatin Vranisht të Bashkisë Devoll. Ngjarja ka ndodhur mesditën e kësaj të hëne.

Raportohet se nga flakët nuk ka persona të lënduar, por dëme materiale. Të gjithë të pranishmit në hotel kanë mundur të largohen në kohë, megjithatë flakët kanë dëmtuar ndërtesën dhe orenditë e hotelit.

Në vendngjarje kanë mbërritur zjarrfikëse nga Devolli, të cilat po luftojnë për shuarjen e flakëve. Ndërsa për ndihmë u nisën edhe zjarrfikëse nga Korça.

Nuk dihet ende shkaku i flakëve.

Autoritetet, dyshojnë për shkëndijë elektrike por do të jetë ekspertiza ajo që do e përcaktojë. Ndërkohë, krahas zjarrfikëseve edhe Policia e Shtetit ka mbërritur në vendngjarje.