Pas gati 6 orësh kanë përfunduar bisedimet në Bjellorusi ndërmjet delegacionit të Ukrainës dhe delegacionit të Rusisë. Delegacionet e të dyja vendeve janë kthyer për konsultime në vendet përkatëse dhe pritet një raund i dytë bisedimesh.
“Dy delegacionet zhvilluan raundin e parë të negociatave. Qëllimi i tyre kryesor ishte të diskutonin për armëpushimin dhe përfundimin e sulmeve luftarake në territorin e Ukrainës. Delegacionet janë kthyer në vendet e tyre për t’u konsultuar, ndërsa kanë rënë dakord për një raund tjetër negociatash” – është shprehur këshilltari i presidentit ukrainas Volodymyr Zelensky
Ndërkaq, pritshmëria për një zgjidhje paqësore nuk ka qenë e lartë përpara takimit të së hënës. Ukraina kërkon një armëpushim dhe tërheqjen e rusëve, ndërsa Kremlini ka heshtur për qëndrimin e tij zyrtar. Negociatorët rusë kanë folur vetëm për arritjen e një marrëveshjeje që është në interes të të dyja palëve.
Discussion about this post