Ka përfunduar me rezultatin 0-2 derbi i Manchesterit midis United dhe City-t. Djemtë e trajnerit Pep Guardiola fituan në transfertë ndaj ekipit të Ole Gunnar Solskjaer, duke i zhytur akoma më keq ‘Djajtë e kuq’.
Ishte autogoli i Bailly në minutën e 7 të ndeshjes ai që i dha avantazhin ‘Citizenëve’. Pavarësisht tentativave nga ana e ‘Djajve të Kuq’ për të barazuar shifrat, ekipi Guardiolës ka treguar qëndrueshmëri dhe nuk i lejoi kundërshtarët që të depërtojnë.
Rastet më të shumta ishin në favor të skuadrës së City-t, teksa do të duhej shtesa e pjesës së parë që djemtë e Guardiolës të dyfishonin rezultatin.
Ishte Silva ai që i dhuroi golin e dytë skuadrës së Manchester City-t, duke e thelluar rezultatin dhe në të njëjtën kohë duke tronditur ekipin e Ole Gunnar Solskjaer dhe Ronaldon.
Ndërsa në pjesën e dytë ekipi i ‘Djajve të kuq’ ishin më agresiv, por që nuk mundën të ndryshonin rezultatin dhe City fitoi me shifrat 0-2.
Pas këtij takimi United qëndron në vendin e 5 me 17 pikë, ndërsa City kalon në vendin e dytë me 23 pikë, por ende skuadrat e tjera nuk ka zhvilluar raundin e tyre të 11, gjë që do të ndryshonte sërish renditjen në tabelën e Premier League./K.T/Gijotina.com
Discussion about this post