Ka përfunduar ekspertiza mjeko-ligjore, ndaj Lear Kurti, i riu që humbi jetën pas shoqërimit në Komisariat. Trupi i të ndjerit është nxjerrë nga morgu dhe është transportuar drejt një agjencie funerale, ku do i bëhet edhe ceremonia e lamtumirës.
Varrimi do bëhet në orën 16:00, ku 32-vjeçari do përcillet për në banesën e fundit. Pas tërheqjes së trupit IML, por edhe Agjencia e Mbikëqyrjes Policore nuk kanë dalë ende me deklaratë për mediat, për të dhënë shkaqet që çuan në vdekjen e 32-vjeçarit.
Ngjarja e rëndë ndodhi pak para mesnate kur Lear Kurti u ndalua nga patrulla e policisë në komisariatin nr.3, pranë “Don Boskos”. Kurti u shoqërua për në polici dhe në komisariat nisën problemet shëndetësore. Spitali i Traumës deklaron se i riu mbërriti i vdekur në spital duke ngjallur dyshimet se Kurti i ka “mbetur në dorë” policisë.
Discussion about this post