Ka përfunduar pas gati 3 orësh mbledhja e Këshillit të Sigurimit nën drejtimin e presidentit Bajram Begaj. Gjithëpërfshirja institucionale, përdorimi i burimeve kombëtare dhe kontributi i çdo qytetari në funksion të sigurisë kombëtare, ishin në fokus të takimit.
Presidenti Begaj kërkoi që të trajtohen me prioritet procesi i Rishikimit dhe hartimit të dokumentave strategjikë, të Strategjisë së Sigurisë Kombëtare, dokumenteve strategjike në fushën e mbrojtjes dhe sigurisë, emergjencave civile, si dhe strategjive sektoriale.
Këto dokumente nuk duhet të jenë thjesht dokumente formalë, duhet të jenë të mirëbuxhetuara dhe sigurojnë përdorimin në mënyrë të koordinuar dhe harmonizuar të instrumentave të fuqisë kombëtare në garantimin e sigurisë, nxisin zhvillimin e qëndrueshëm ekonomik, rrisin mirëqenien e qytetarëve, dhe sigurojnë mbrojtjen e vlerave dhe interesave kombëtar të Republikës së Shqipërisë.
Discussion about this post