Përfundon numërimi edhe në Pogradec, ja sa vota i dhanë demokratët Berishës

Ka përfunduar numërimi i votave për zgjedhjen e kreut të Partisë Demokratike edhe në Pogradec. Mësohet se në total në qytetin e Pogradecit kanë votuar 516 demokratët.

484 prej tyre kanë shkuar për liderin historik të PD-së, Sali Berisha. Ndërsa, kandidati tjetër, Ibsen Elezi ka marrë 32 vota.

Në Roskovec ka përfunduar procesi i numërimit dhe shumicën e votave e ka marrë lideri historik i Partisë Demokratike, Sali Berisha, mësohet se Berisha ka marrë 433 vota, ndërsa kandidati tjetër, Ibsen Elezi, ka marrë 39 vota.

Katër vota kanë dalë të pavlefshme. Në total kanë votuar 476 anëtarë të Partisë Demokratike në Roskovec.