Tensioni mes Ukrainës dhe Rusisë po merr përmasa “të frikshme”. Sot Ministria e Jashtme e Greqisë ka njoftuar për vrasjen e dy pjesëtarëve të komunitetit grek në Ukrainë si edhe plagosjen e dy prej tyre. Në një njoftim për mediat, ministria thekson se ngjarja e rëndë ndodhi në një fshat në pjesën lindore të Ukrainës, ku sipas tyre grekët u qëlluan nga ushtarë ukrainas.
Bëhet fjalë për fshatin e njohur si Granitna, në zonën e kontaktit mes ushtrisë ukrainase dhe separatistëve pro rusë.
“Shprehim dhimbjen tonë më të thellë për vdekjen e papritur të dy patritotëve tanë dhe plagosjen e rëndë të dy të tjerëve në fshatin Granitna, i cili ndodhet pranë linjës së kontaktit në Ukrainën Lindore. Gjithashtu shprehim ngushëllimet tona të sinqerta për familjet e viktimave, si dhe urimet për shërim të shpejtë të të lënduarve”, thuhet në njoftimin për shtyp.
Autoritetet greke nuk kanë dhënë detaje mbi mënyrën se si ka ndodhur ngjarja, ndërsa deri më tani nuk ka ndonjë reagim nga qeveria e Ukrainës.
Discussion about this post