Ka përfunduar në barazim 1-1 derbi i kryeqytetit ndërmjet Dinamos dhe Partizanit, sfidë e zhvilluar në stadiumin “Elbasan Arena”. “Nëndetësja” kaloi e para në avantazh me Ibraimin në pjesën e parë të lojës teksa gjërat u vështirësuan për skuadrën e trajneri Bledi Shkëmbi në fundin e pjesës së parë. Sofranak u ndëshkua me kartonin e kuq duke lënë Dinamon me 10 futbollistë.
Në fraksionin e dytë Partizani tentoi të bënte diçka më shumë për shkak të superioritetit numerik por nuk ia doli të merte tre pikët. Gjyqtari Cjapi akordon penallti për Partizanin që kthehet në gol nga sulmuesi Zhunior. Të besuarit e trajnerit Ilir Daja nuk i’a dolën më pas të gjenin golin e dytë teksa në radhët e dinamovitëve pati pretendime për penallti. Për Partizanin dhe Dinamon ishte barazimi i tretë radhazi.
