Lulzim Basha ka mbledhur mbrëmjen e sotme kryetarët e degëve të Partisë Demokratike. Mbledhja e nisur 3 orë më parë ka përfunduar. Mësohet se, tema e diskutimit ka qenë çështja e Reformës Territoriale dhe Reformës Zgjedhore.
Kujtojmë se ditën e djeshme Basha deklaroi për mediet që Partia Demokratikë do vazhdojë me planin e saj për ndryshimet në Kushtetutë, ku ndër to përfshihen ndërhyrje në reformën territoriale dhe atë zgjedhore.
Prandaj, për të mos humbur më shumë dhe për të kaluar sa më parë amendamentet për këto çështje në Kuvend, Basha ka thirrur sot krerët e degëve të PD për të diskutuar mbi ecurinë e tyre. Ndërsa sot, PD ka depozituar në Kuvend propozimin për reduktimin nga 20% në 6% TVSH për produktet e shportës.
