Ka përfunduar me avantazhin e skuadrës së Dinamos pjesa e parë e derbit të kryeqytetit. Golin e vetëm për dinamovitët e shënoi Ibraimi. Në fraksionin e parë pati protesta për një 11 metërsh nga ana e skuadrës së trajnerit Bledi Shkëmbi.
Çinedu kërkoi penallti pas duelit me Belicën, brenda zonës, por gjyqtari Cjapi nuk e vlerëson si të tillë.
Në fundin e 45 minutave Sofranak u ndëshkua me kartonin e kuq. Gjyqtari Cjapi akordoi fillimisht karton të verdhë për mbrojtësin por pas konsultimit me sistemin VAR tregoi të kuqen.
