Ka përfunduar me avantazhin e Real Madrid pjesa e parë e “El Klasikos”. Mbrojtësi David Alaba realizoi për skuadrën madrilene në minutën e 32 të takimit duke heshtur të pranishmit në “Kamp Nou”. Epërsia i dha mundësinë madrilenëve të ruanin rezultatin deri në fundin e 45 minutavë të para. Ndeshja ka qenë thuajse e barabartë por madrilenët udhëheqin këtë përballje unikale. Presioni është i lartë tek katalanasit që në rast humbje mund të sillte edhe shkarkimin e trajnerit Kuman.
Në fraksionin e dytë Barcelona do të synojë të përmbys rezultatin teksa pritet të ketë disa minuta futbollisti argjentinas, Kun Aguero. Trajneri Kuman duhet të gjejë formulën për t’i shpëtuar disfatës që mund të rezultonte fatale për holandezin. Në pjesën e dytë pritet një ndeshje më e hapur pasi vendasit nuk kanë çfarë humbasin dhe një tjetër ndalesë në kampionat do ti largonte më tej nga kreu.
