Certifikimi i tokës bujqësore vijon të mbetet problem në Shqipëri. Nga Lushnja ku dorëzoi në mënyrë simbolike katër certifikatat e para në fshatin Plug, Drejtori i Përgjithshëm i Kadastrës Artan Lame tha se në 7 muajt e parë të 2021 janë dorëzuar 12 mijë certifikata duke synuar që deri më datë 31 dhjetor, 24 mijë familje të marrin certifikatën e tokës.
“Ka shumë problem certifikimi i tokës, por dy janë grupe të mëdha. Një janë zonat ku nuk është bërë asnjëherë regjistrimi fillestar dhe e dyta janë ato zona ku është bërë në vite regjistrimi fillestar, por është bërë keq sikur është bërë, por s’është bërë fare”, tha drejtori i Kadastrës.
Lame tha se pas aplikimit në portalin e-albania brenda tre ditëve mund të pajisesh me certifikatë pronësie. Lame hodhi poshtë zërat e opozitës, duke thënë se puna vazhdon normalisht në Kadastër edhe në këtë periudhë të vitit.
FJALA E PLOTË
Ka shumë probleme me certifikimin e tokës, por dy janë grupe të mëdha. Janë zonat ku nuk është bërë asnjëherë regjistrimi fillestar dhe që do bërë regjistrimi fillestar i pasurive dhe e dyta është në ato zona ku është bërë në vite regjistrimi fillestar por është bërë keq, ose është bërë sikur është bërë dhe nuk është bërë fare që do të thotë do bërë e gjitha nga fillimi. Në këto momente Kadastra në rang Republike po punon në 19 zona të ndryshme duke filluar që nga Elbasani që janë 3 zona kadastrale që po bëhet regjistrimi fillestar Lushnja 2 zona kadastrale të qytetit që nuk është bërë anjëherë Elbasan (Balldre) Fier, Kolonjë , Kukës, Krujë ,Pogradec , Vlorë (zonat e bregdetit) janë 2 zona në Sarandë markat Lukovë dhe Shkodër. Këto janë zona që në këto momente po punohet nga Kadastra për të bërë regjistrimin Fillestar veç këtyre janë edhe dhjetëra zona kadastrale që po ribëhet përmirësimi Hartografik procesi po bëhet nga fillimi për të përmirësuar Hartat. Janë 122 mijë pasuri që regjistrohen vetëm nga zonat që bëhet për herë të parë . Vjet janë arritur të regjistroheshin 18700 certifikata pronësie në fshat. Këtë vit deri 7 mujorin 12 mijë certifikata të lëshuara ku deri në fundvit besoj do shkoj 24 mijë familje që sivjet marrin certifikatën e tokës. Është një proces qe ka shumë probleme brenda për marrjen e dokumentacionin nga bashkitë, nga qarqet. Ka probleme të origjinës së dokumentacionit si një pjesë që kanë humbur 30 vjet. Probleme që përgjithësisht u mundua ti lehtësonte dhe i lehtësoj ligji i ri 20/20. Kjo është situata në rang Republike me tokat bujqësore dhe sfida më e madhe që ka Kadastra aktualisht . Zyrat tona janë të hapura edhe në periudhën Korrik/Gusht për të gjithë, edhe për emigrantet për tu dhënë atyre mundësin për të aplikuar për të gjithë ata që kanë punë në Kadastër.
