Plot 22 gola u regjistruan në javën e fundit të kampionatit shqiptar të futbollit ku u përcaktuan edhe verdiktet përfundimtare. Për sa i përket verdikteve, Teuta u shpall kampione. Durrsakët fituan titullin pas plot 27 vitesh, duke lënë pas Vllazninë, që u rendit në vendin e dytë, falë golavarazhit. Ndërkohë që Partizani dhe Laçi plotësuan katërshen e skuadrave që fituan të drejtën për pjesëmarrjen në Europë sezonin e ardhshëm.
Për sa i përket fundit të renditjes, Apolonia dhe Bylisi nuk kanë mundur të sigurojnë dot qëndrimin në elitën e futbollit shqiptar, teksa Kastrioti do të luajë ndeshje shtesë në “Play-Out” me Tomorin. Tirana dhe Kukësi zhgënjyen këtë sezon duke u renditur në mesin e renditjes, ndërkohë që Skënderbeu arriti t’ia hidhte paq duke shpëtuar direkt.
