Kryetari i Partisë së Lirisë, Ilir Meta ka zhvilluar sot një takim 60 minuta me kreun e opozitës, Sali Berisha në selinë e PD-së. Takimi mes tyre vjen pak ditë para protestës së paralajmëruar të 6 Dhjetorit, ditë kur do të mbahet gjithashtu në Tiranë edhe Samiti BE- Ballkani Perëndimor.
Pas takimit, Meta tha se më 6 dhjetor do të protestohet kundër këtij regjimi, që sipas tij ka kapur shtetin dhe po vret të ardhmen evropian e të Shqipërisë.
“Jemi për Shqipërinë europiane jo për regjim. Në datën 6 përballë përgjegjësit për kapjen e shtetit dhe për minimin e procesit integrues europian të Shqipërisë për vite më radhë. Nuk do jetë asnjë problem i sigurisë”, tha kreun i PL-së.
Kreu i PL-së u shoqërua në këtë takim nga deputeti i kësaj force politike, Petrit Vasili. Vetëm një ditë më parë, kreu i Partisë së Lirisë, Ilir Meta konfirmoi se kjo forcë politike do të jetë në protestën e 6 dhjetorit.
Lexo edhe: Protesta e dhjetorit, Meta i shkon në zyrë Berishës
Discussion about this post