Punëtorët e një fabrike që prodhon kabllo e tela për automjetet për llogari të një kompanie gjermani janë helmuar gjatë ditës së sotme vetëm pak minuta pasi kishin shkuar në punë.
Punonjëset e një fabrike që prodhon tela për automjetet për llogari të një kompanie Gjermane janë helmuar gjatë ditës së sotme vetëm pak minuta pasi kishin shkuar në punë. Pesë prej tyre janë paraqitur në spital me tipike helmimi, si të vjella, marrje mëndësh dhe dobësi.
“Kishin hedhur ilaç për minjtë dhe nuk na thanë. Në repartin tim jemi rreth 100 gra që punojmë|, tha njëra prej vajzave që po merr serum në urgjencën e Spitalit rajonal të Durrësit.
Gijotina.com mëson se pas simptomave të para, punonjëset kanë marrë ndihmë nga mjeku i fabrikës, i cili ka vendosur që ambienti të mbyllej për ditën e sotme.
Por, gratë kanë patur simptoma edhe pasi kanë shkuar në shtëpi duke bërë që të paraqiten për ndihmë më të specializuar në spital.
Në një reagim, policia bën me dije se në spital u paraqitën pesë gra të moshave të ndryshme, O. A., 41 vjeçe, A. R., 26 vjeçe, M. Xh., 30 vjeçe, A. Gj., 35 vjeçe dhe J. K., 38 vjeçe , të cilat ndodhen nën kujdesin e mjekëve dhe jashtë rrezikut për jetën.
Grupi hetimor ndodhet në vendngjarje dhe po punon për sqarimin e rrethanave të ngjarjes.
Discussion about this post