Pas apeleve të shumta nga policia rrugore për të respektuar sinjalistikat, shoferët e mjeteve vazhdojnë të qëndrojnë indiferentë duke shkaktuar aksidenete me rrezik për jetën e këmbësorëve.
Kështu për ditën e sotme është shënuar një tjetër aksident në askin rrugor Milot-Morinë ku sipas burimeve mësohet se janë lënduar tre persona.
Policia bën me dije se në Milot mjeti me drejtues shtetasin S.B., ka humbur kontrollin e mjetit duke u përplasur me mjetin me drejtues shtetasin R.Sh., ku për pasojë kanë marrë dëmtime dhe janë transportuar në spitalin e Traumës.
Ndër të tjera se të lënduar nga aksidenti kanë ngelur dy drejtuesit dhe shtetasi G.K., i cili ndodhej pasagjer në mjetin me drejtues shtetasin S.B.
“Në aksin rrugor Milot-Morinë, në Milot , mjeti me drejtues shtetasin S.B., ka humbur kontrollin e mjetit duke u përplasur me mjetin me drejtues shtetasin R.Sh., ku për pasojë kanë marrë dëmtime dhe janë transportuar në spitalin e Traumës, Tiranë të dy drejtuesit dhe shtetasi G.K., i cili ndodhej pasagjer në mjetin me drejtues shtetasin S.B”, thuhet në njoftimin e policisë.
