Një tjetër aksident i rëndë është shënuar pasditen e kësaj të shtune në Elbasan. Mësohet se një makinë është përplasur me një motor në qendër qytetit. Si pasojë e përplasjes së fortë janë plagosur 2 persona, të cilët janë transportuar në spital.
Fatmirësisht të 2 ndodhen jashtë rrezikut për jetën nën kujdesin e mjekëve.
Ndërkohë vijojnë hetimet për zbardhjen e rrethanave të këtij aksidenti.
Ky është aksidenti i dytë i shënuar brenda një intervali të shkurtër kohor në vend ku theksojmë se vetëm pak minuta më parë një aksident i rëndë u shënua në Lushnjë. Të plagosur kanë mbetur tre persona, mes të cilëve një e mitur e cila është transportuar te spitali i Traumës.
