Kjo fundjavë ka nisur me aksidente të rënda rrugore. Burime për gijotina.com bëjnë me dije se rast i radhës është shënuar në aksin Laç-Patok, ku një makinë ka përplasur një çiklist, i cili ka mbetur dhe i lënduar.
Drejtuesi i biçikletës 60-vjeçari me iniciale Gj.P. është dërguar në spitalin e Traumës në Tiranë për të marrë ndihmë më të specializuar. Ndërkohë që drejtuesi i makinës është arrestuar.
Pritet te zbardhen detaje të aksidentit, pas marrjes në pyetje të shoferit. Ndërsa theksojmë se gjatë kësaj jave janë shënuar dhjetëra aksidente të rënda rrugore në disa akse të qarqeve në vend, mes të cilave kujtojmë rastin e Beratit, ku një këmbësor u përplas për vdekje. Autori i këtij aksidenti tragjik u arrestua sot, ndërsa kamerat e sigurisë zbuluan se 33- vjeçari po udhëtonte me shpejtësi përtej normave të lejuara dhe patentë.
