Një tjetër aksident i rëndë është shënuar pasditen e sotme në Librazhd. Mësohet se janë përplasur dy automjete në hyrje të qytetit.
Nga pamjet shihet se përplasja ka qenë e fortë dhe një prej automjeteve është kthyer përmbys.
Tre anëtarë të një familje kanë mbetur të lënduar si pasojë e aksidentit, të cilët po udhëtonin me mjetin fuoristradën që është përmbysur.
Paraprakisht dyshohet se shkak i aksidentit është bërë mosrespektimi i sinjalistikave rrugore, manovrat e shpejtësisë dhe parakalimi i gabuar i mjetit.
Policia nuk ka qenë në terren për ta parandaluar aksidentin. Pritet të zbardhen detaje përmes një njoftimi zyrtar.
Sakaq theksojmë se nga raportimet e gijotina.com ky është aksidenti i 6 i shënuar deri më tani në vend. Dy janë raportuar në Gjirokastër ku të plagosur kanë mbetur gjashtë persona.
Po ashtu një shofer ka mbetur i plagosur në Himarë, pasi ishte duke drejtuar një kamion ka humbur kontrollin në hyrje të Himarës në kthesë e për pasojë automjeti është përmbysur.
Discussion about this post