Një ish-ushtar tajlandez vrau bashkëshorten e tij dhe tre të tjerë përpara se t’i jepte fund edhe jetës së tij.
Policia ka zbuluar për BBC-në se 29-vjeçari Chaturong Suksuk dhe Kanchana Pachunthuek, 44 vjeç u martuan të shtunën në Tajlandën verilindore.
Nga raportimet paraprake bëhet e ditur se ai u largua befas nga dasma dhe u kthye me armë, duke qëlluar gruan e tij, nënën e saj, 62 vjeç dhe motrën, 38 vjeç.
Plumbat qëlluan edhe dy prej të ftuarve, të cilët u dërguan me urgjencë në spital, por një prej tyre ndërroi jetë.
Sipas policisë vendase, Chaturong ishte mjaft i dehur në momentin kur kreu krimet makabre, por motivi i tij mbetet i paqartë.
Ai kishte blerë armën dhe municionet legalisht vitin e kaluar, shtuan ata.
Discussion about this post