Mëngjesi i sotëm ka shënuar një tjetër aksident të rëndë rrugor, në aksin Burrel-Milot. Mësohet se ngjarja ka ndodhur në Baz, ku në aksident është përfshirë një familje nga Dibra me pesë anëtarë.
Këta të fundit, si pasojë e përplasjes së fortë, kanë mbetur të plagosur dhe dërguar menjëherë në Spitalin e Burrelit, ku njëri prej tyre është nisur me helikopter drejt Tiranës, pasi ka marrë ndihmën e parë.
Ndërkohë, policia dhe grupi hetimor ndodhen në vendngjarje dhe po hetojnë shkaqet e aksidentit.
Por paraprakisht dyshohet se ka qenë lagështira në rrugë që e ka bërë mjetin të rrëshqasë.
Kujtojmë se edhe pasditen e së shtunës një aksident i rëndë u shënua rreth orës 16:50, në aksin rrugor Lezhë-Milot, në fshatin Gajush.
Mjeti me drejtues A.L., ka përplasur një biçiklist ende të paidentifikuar, ku për pasojë ka marrë dëmtime dhe është transportuar në spitalin Rajonal Lezhë. Nuk dihet ende gjendja e të aksidentuarit. / A.L gijotina.com /
