Mëngjesi i sotëm ka nisur më një sërë aksidentesh të rënda rrugore, teksa një tjetër është shënuar pak minuta më parë në fshatin Radavc të Pejësku. Mësohet se një grua ka humbur jetën dhe shtatë persona janë lënduar. Sakaq, sipas njoftimit të policisë, dyshohet se aksidenti është shkaktuar nga një shtetas i huaj, ndaj dhe është vënë në pranga.
“Fsh. Radavc, Pejë, 29.08.2021 – 08:35. Një femër kosovare ka vdekur si pasojë e plagëve të pësuara gjatë një aksidenti trafiku, që ka ndodhur midis dy veturave. Gjatë aksidentit kanë pësuar lëndime trupore edhe 7 persona që ishin në dy veturat të cilët pas tretmanit mjekësor janë liruar. I dyshuari mashkull me shtetësi të huaj, që dyshohet të jetë shkaktar i aksidentit është arrestuar dhe me vendim të prokurorit është dërguar në mbajtje”, thuhet në njoftimin e Policisë së Kosovës.
