Komisioni për Edukimin dhe Mjetet e Informimit Publik ka nisur ditën e sotme me prezencën e ministres së Arsimit, Evis Kushi. Prezenca e saj u kërkua nga anëtarët e opozitës. Në nisje të fjalës së tij, Luçiano Boçi iu drejtua duke i thënë se duhet të qëndronte deri në fund të seancës, duke i përmendur dhe një shprehje nga Elbasani.
“Mirëseredhe zonja ministre. Nuk ka kohë të përcaktuar, limit, nuk ka ndodhur që ministrja të vijë dhe t’i vendosi komisionit kushte në seanca të tilla dëgjimore, në mënyrën se si do të procedojmë duket sikur kemi kontradikta brenda opozitës, nuk jam dakord me dy propozimet e fundit të Zhupës, kërkojmë që ju të qëndroni në seancë, ose ju të merrni një vendim për ta shtyrë seancën dëgjimore dhe për ta bërë në një ditë tjetër. Meqë jemi nga Elbasani të dy, nuk bëhet më ka çu nëna me la gojën, dakord, faleminderit” – u shpreh Boçi.
Nga ana tjetër, nga 170 objekte arsimore të përfshira në rindërtim, Kushi tha se kanë përfunduar 68 prej tyre.
“Programi i rindërtimit, shifrat që kam marrë sot në mëngjes. Nga 170 objekte të përfshira në rindërtim 68 e prej tyre kanë përfunduar, 36 nga buxheti i shtetit, ng bashkia kemi 13 objekte arsimore (11 shkolla, 2 kopshte) nga BE kemi 19 objekte arsimore (15 shkolla, 4 kopështe)” – tha ministrja.
