Përhapja e Covid-19 në Kosovë ka bërë jehonë në mediet ndërkombëtare. Sipas tyre shkak për këtë fluks të shtuar dhe daljen e situatës jashtë kontrollit janë festat dhe dasmat e shumë të organizuara me shumë pjesëmarrës gjatë muajve të verës.
Sipas medias austriake Heute, festat e pafundme, teste false PCR dhe pothuajse asnjë vaksinim, ndikoi në përhapjen e Covid dhe bëri që emigrantët ta ‘merrnin’ me vete në vendet ku jetonin.
Media zviceriane “SonntagsZeitung” në një artikull të gjatë shkruan se si shpërtheu vala e radhës e Covid-19 në Kosovë gjatë verës dhe se Zvicra nuk ishte e përgatitur për mërgimtarët që do të ktheheshin atje, pas një pushimi pa asnjë kufizim në Kosovë.
Para pushimeve verore, qeveria e Kosovës lehtësoi masat e koronavirusit dhe falë kësaj mijëra emigrantë u kthyen me pushime në vendlindje. Vetëm në muajin korrik, 446.340 pasagjerë zbarkuan në Prishtinë, pothuajse dy herë më shumë se në vitet para-Coronas.
Sipas mediave austriake, deri në 20 Korrik rastet ishin pothuajse 0, por pas mbërritjes së shumë emigrantëve për pushime, të cilët gjithashtu ishin në gjendje të udhëtonin me aeroplan pa asnjë provë testimi, numrat shpërthyen.
Në Austri, Kosova është në vendin e dytë me një kurbe prej 746 rastesh të sjella, e ndjekur në vendin e katërt dhe të pestë nga Mali i Zi me 558 dhe Maqedonia e Veriut me 339. Shumica e rasteve të koronës në Austri ndodhën kohët e fundit në mesin e pushuesve të kthyer nga Maqedonia e Veriut me 866 raste.
