Periudhë e errët për Kukësin, mposhtet në miqësoren ndaj modestëve nga Kosova

Kukësi është mposhtur, ditën e sotme nga Gjilani i Klodian Duros, me rezultatin 1-2 në duelin përgatitor, të zhvilluar në “Kukës Arena”.

Skuadra e Rraman Hallaçit, nuk e ka shfrytëzuar faktorin fushë, teksa largimet e shumta në merkato, kanë krijuar boshllëqe të mëdha dhe tashmë verilindorët po kalojnë një periudhë tranzicioni, që kërkon kujdes.

Golin e vetëm për Kukësin në testin e sotëm e shënoi sulmuesi Rashiti në minutën e 25-të.

Vlen të theksohet se kjo ishte ndeshja e parë për trajnerin Klodian Duro në krye të Gjilanit.

Ish-mesfushori i Kombëtares, mori drejtimin e ekipit kosovar në datën 26 qershor.