Përjashtimi i 11 deputetëve, Sefa: U zbatua vendimi i 2022 që u miratua nga…

Indrit Sefa, i emëruar nga Lulzim Basha, si Sekretar për Çështjet Ligjore në PD-në e vulës, ka reaguar përmes një postimi në rrjetet sociale, lidhur me vendimin për përjashtimin e 11 deputetëve nga Grupi Parlamentar.

E ndërsa vendimi u cilësuar si qesharak nga Gazment Bardhi, i cili drejton Grupin Parlamentar, edhe pse nuk njihet nga Basha si kryetar, Sefa shprehet se reagimi i disa deputetëve për përjashtimin e kolegëve të tyre është për të qeshur e për të qarë.

Ai tha se kushdo që nuk njeh organet legjitime të PDSH-së dhe vetëpërjashtohet sa herë që nuk i vjen për shtat vendimarrja, nuk besoj se duhet të shqetësohet.

Gjithashtu, ai tha se kushdo që sot mendon se disponon të vërteten absolute nuk duhet të harrojë vendimarrjet e Kryesisë së PDSH të datës 10.01.2022 sepse memoria historike është aset i madh dhe i domosdoshëm që na ndihmon të mos bëjmë gabimet e të kaluarës, – shkruan ndër të tjera Sefa.

REAGIM I SEKRETARIT PËR ÇËSHTJET LIGJORE NË PD

Në funksion të transparences dhe të debatit publik në lidhje me reflektimin e disa vendimarrjeve të orageneve të Partise Domkratike në vite, dua të theksoj se në datën 26.09.23 i është komunikuar Kuvendit të Shqipërise lista e përditësuar e Grupit Parlamentar të PDSH.

Habia që ka kapluar disa deputet është sa për të qeshur aq dhe për të qarë. Kushdo që sot mendon se disponon të vërteten absolute nuk duhet të harrojë vendimarrjet e Kryesisë së PDSH të datës 10.01.2022 ku me votat e tyre përjashtuan dhe pezulluan po keta deputetë që sot i qajnë hallin.

Kushdo që nuk njeh organet legjitime të PDSH-së dhe vetëpërjashtohet sa herë që nuk i vjen për shtat vendimarrja, nuk besoj se duhet të shqetësohet. Partia Demokratike nuk ka bëre asgjë më shume sesa i ka lehtesuar dilemen Hamletjane që i kishte pushtuar prej shumë kohësh këta deputetë dhe i ka dhënë mundesinë që të jene ligjerisht, fizikisht dhe menderisht aty ku ata kanë zgjedhur prej kohesh të jenë.

Fatmirësisht Partia Demokratike me shumë kujdes administron të gjitha vendimarrjet dhe qendrimet e secilit të mbajtura në organet e brendeshme të PDSH për të gjitha çështjet siç është dhe ky rast. Memoria historike është aset i madh dhe domosdoshëm që na ndihmon mos të bejme gabimet e të kaluarës.