Përkrahja për ish- kryeministrin Sali Berisha i kushtuar shtrenjtë Oerd Bylykbashit, pasi kreu demokrat Lulzim Basha vendoni ta largojë si drejtues të Reformës Zgjedhore.
Për vendimin në fjalë ka reaguar edhe ish-ministri i Drejtësisë Ylli Manjani, duke sulmuar Bashën e duke thënë se Bylykbashi është një ndër ekspertët ligjorë më të mirë që kemi.
“Oerd Bylykbashi është nga ekspertët më të mirë të legjislacionit zgjedhor që kemi. Edhe diplomën universitare e mbrojti me një temë mbi sistemet zgjedhore. Eksploroi me pasion një temë që juristët nuk e njihnin fare. Fakulteti i Drejtësisë jo e jo. Prej më shumë se 20 vitesh Oerdi është kontribues aktiv e legjislacionit zgjedhor. Në fillim në prezencën e OSBE e në vijim në Parlament. Është demokrat në gen. Simpatizant e më pas anëtar i PD që kur Luli nuk dihej a ekzistonte”.
Manjani ironizon Bashën kur thotë se partia e tij nuk ka nevojë për ekspertë, prandaj kanë luksin t’i largojnë.
“Mund të mos jesh dakord me bindjet e Tij, por që është ekspert dhe me kontribute në këtë fushë nuk e mohon dot. Mund t’i thuash pa frikë se është më shumë se ç’duhet ekspert, por jo se nuk është fare. Mirëpo partia e Lulit nuk ka nevojë për dije dhe ekspertizë. Ndaj dhe kanë luks të largojnë një kontribues dhe ekspert nga reforma zgjedhore… Luli vetë të përjashton edhe nga opozita. Ec e jepi pushtet këtij! Siç kemi thënë, shyqyr që nuk fitoi!”, shkruan Manjani.
Një ditë më parë, Oerd Bylykbashi, deputeti që ka drejtuar reformat zgjedhore për shkak të ekspertizës në këtë fushë, u la jashtë takimit me Kryetaren e Misionit të OSBE/ODIHR, Urzula Gaçek e cila ishte selinë blu për të dhënë rekomandime për përmirësimin e reformës zgjedhore. Në vend të Bylykbashit, Lulzim Basha, ka vendour Enkelejd Alibeajn, një ndër deputetët që i ka qëndruar më pranë në këto ditë të vështira për karrierën e tij politike.
