Nga vit në vit rritet numri i fëmijëve që kanë problem me shikimin. Sipas mjekëve bëhet fjalë që 1 ne 8 fëmijë të grupmoshës 7-15 vjeç ka nevojë për kurë, ku diagnoza më e shpeshtë është “syri dembel”
Mjeku Dritan Ali kërkon që si prindërit ashtu dhe mësuesit të jenë më vigjilent në identifikimin e fëmijëve që kanë probleme me shikimin por që ende nuk janë në dijeni.
Prej kohësh ekspertet e shëndetit, kanë dhënë alarmin se përdorimi me kohë të gjatë i pajisjeve teknologjike po çon në dëmtim të shikimit.
Për të kapur në kohë problemet me shikimin prej vitit 2022 ka nisur aplikimi i Programit Kombëtar të Depistimit të Shikimit në të gjitha shkollat 9 vjeçare të vendit. Të dhënat paraprake të publikuara nga Ministria e Shëndetësisë për këtë vit shkollor tregojnë se 55 030 fëmijë kanë kryer kontrolle dhe 7336 fëmijë kanë rezultuar me problematika në shikim të cilët janë referuar te mjekët specialist.
Discussion about this post