Gjatë muajit shkurt të këtij viti, bota e aktrimit mori një lajm të trishtë se Bruce Willis po tërhiqej përgjithmonë nga Hollywood-y, pasi u konfirmua se vuante nga demenca frontotemporale.
Ndërkohë së fundmi duket se gjendja e aktorit është përkeqësuar dhe familja dhe miqtë e tij, janë ata të cilët kanë dhënë disa përditësime për shëndetin e tij.
Një nga përditësimet e fundit ka ardhur nga ish-partnerja e tij, Maria Bravo , e cila tha se Willis është gjithnjë e më larg rikuperimit.
“Po bëhet gjithnjë e më keq”, theksoi Bravo .”Ai nuk është mirë. Kam folur me gruan e tij, me Emën , dhe fatkeqësisht është një sëmundje që sa vjen e përkeqësohet. Ne i dërgojmë shumë energji dhe shumë dashuri.”
Willis dhe Bravo , lidhja e të cilëve zgjati dy vjet, u takuan në hapjen e një restoranti, Planet Hollywood, e më pas ata u zhvendosën midis Los Anxhelosit dhe Marbella, Spanjë.
Pavarësisht ndarjes së tyre, Bravo i kushtoi disa fjalë emocionale Willis pasi mësoi për gjendjen e tij shëndetësore.
“E gjithë dashuria ime shkon për Bruce dhe familjen e tij të bukur”, ka shkruar ajo.
Discussion about this post