Lajmi se Celine Dion po përballej me disa problem shëndetësore ka shqetësuar admiruesit e këngëtares së famshme, këngët e së cilës janë kthyer në hite. Fillimisht, Celine u detyrua të shtynte të gjitha koncertet e planifikuara në Las Vegas.
Ajo shpjegoi se kishin punuar me ekipin e saj intensivisht për tetë muaj dhe fakti që i ndodhi kjo gjë pikërisht tani, e lëndoi shumë.
“Më vjen veçanërisht keq për zhgënjimin e të gjithë fansave që bënë planet e tyre për të ardhur në Vegas. Tani më duhet të përqendrohem që të bëhem më mirë. Unë dua t’i kapërcej të gjitha këto sa më shpejt të jetë e mundur”, tha Celine më herët, ndërsa shpjegoi se kishte disa dhimbje të forta muskulare.
Por sakaq një i afërm pohoi për revistën “Here” se gjendja është më keq nga sa mendohej. “Ajo nuk mund të ngrihet më nga shtrati, të lëvizë apo të ecë. Ka dhimbje paralizuese në këmbë. Është dobësuar shumë. Kjo sëmundje ë mund të kërkojë një rikuperim shumë të gjatë”, thotë burimi.
Discussion about this post