Një incident i ndodhi këtë të martë në Shkodër kryebashkiakut Benet Beci, në 33-vjetorin e përkujtimit të masakrës së 2 Prillit 1991.
Asokohe, gjatë një proteste të zhvilluar kundër regjimit komunist në Shkodër, mbetën të vrarë Artan Broci, Bujar Bishanaku, Nazmir Kryeziu dhe Besmir Ceka.
Këtë të martë, u mbajtën homazhe nga të dy krahët e politikës, para memorialit për nder të 4 dëshmorëve të Demokracisë.
Por, në momentin kur memorialit po i drejtohej kryebashkiaku socialist i Shkodrës, Benet Beci, është regjistruar një incident. Një i ri i Forumit Rinor të Partisë Demokratike, i është afruar kryebashkiakut dhe ka tentuar që ta ndalojë që të shkonte drejt monumentit, duke tentuar t’i zërë rrugën.
“Ti s’duhet të vish këtu!” – iu drejtua i riu Benet Becit.
Më pas, ai u shoqërua nga efektivët e Policisë dhe ceremonia vijoi normalisht.
Discussion about this post