Misioni i OSBE në Kosovë ka përkujtuar masakrën e Reçakut, në 23 vjetorin e saj, duke thënë se ky mision ishte dëshmitar i krimeve të tmerrshme të kryera atje.
OSBE përkujton se këto krime kanë mbetur të pandëshkuara ende.
“23 vjet më parë OSBE ishte dëshmitare e krimeve të tmerrshme të kryera në Reçak, të cilat mbeten të pandëshkuara edhe sot e kësaj dite. Ne bashkohemi në pikëllimin për viktimat dhe nderojmë kujtimin e tyre”, thuhet në një psotim të OSBE-së në Twitter.
Më 15 janar të vitit 1999, forcat policore dhe ushtarake serbe në Kosovë vranë 45 civilë shqiptarë në fshatin Reçak në Komunën e Shtimes.
Krimet e kryera në këtë fshat i kishte dokumentuar kreu i atëhershëm i misionit vëzhgues të Organizatës për Siguri dhe Bashkëpunim në Evropë, William Walker. Ngjarja e Reçakut u pasua nga bombardimet e NATO-s mbi caqet serbe në Kosovë si dhe në Serbi.
23 years ago, #OSCE was witness to heinous crimes committed in Reçak/Račak, which remain unpunished to this day.
— OSCE Kosovo (@OSCEKosovo) January 15, 2022
We join families in grieving for the victims, and we honour their memory.
Discussion about this post