Finalizimi spektakolar i Nedim Bajramit, në ndeshjen e Pragës me Republikën Çeke, është kandiduar nga UEFA për t’u votuar si goli më i bukur i raundit të eliminatoreve europiane. Padyshim një vlerësim më shumë ky përtej pikës së marrë në transfertë.
Perla e futbollistit të kombëtares shqiptare, garon me golin e Robert Lewandowskit në fitoren e Polonisë ndaj Ishujve Faroe. Si dhe me atë të reaklizuar nga talenti i Realit të Madridit, Aurelien Tchouameni, në fitoren e Francës ndaj Republikës së Irlandës.
Duke u përpjekur për të hequr mënjanë subjektivitetin që përcjell të qënurit shqiptarë dhe tifozë të kuqezinjve, finalizimi i Bajramit duket favorit për të triumfuar ndaj atyre të Levandovskit dhe Tchouamenit.
Megjithatë, një ndihmë në këtë aspekt mund të japë çdo tifoz shqiptar. Për golin e 24-vjeçarit tetovar, mund të votohet në faqen zyrtare të organizmit europian të futbollit, Uefa.com.
Me shpresën që edhe në këtë raund Shqipëria të vazhdojë një risi të bukur duke kthyer në traditë tanimë suksesin në rubrikën e golit më të bukur.
Pasi më parë triumfuan për sa i përket estetikës së finalizimit edhe goli i Jasir Asanit në fitoren kundër Moldavisë , ndërkohë që më i bukuri i raundit u vlerësua edhe goli i Kristjan Asllanit në sfidën e kuqezinjve me Ishujt Faroe.
Discussion about this post