“Perla” e Veliaj: Vendi ynë më shumë korsi biçikletash se Holanda

Kryebashkiaku i Tiranës, Erion Veliaj ka bërë një tjetër deklaratë komike në takimin me të rinjtë.

Veliaj u shpreh se vendi ynë është më i shpejtë se Holanda në ndërtimin e korsive të biçikletave. Pavarësisht se në vendin tonë korsitë e biçikletave mungojnë thuajse në të gjitha qytetet, madje dhe në Tiranë bllokohen nga automjetet apo tabelat e ndryshme të bizneseve.
Sipas socialistit Holanda i ka filluar në vitet 70’ dhe vazhdon ende, ndërsa tek ne ato u përfunduan brenda 5 viteve.
Nëse do të bënim një krahasim të vërtetë mes qyteteve në Holandë dhe Tiranës, të gjithë mund ta kuptojmë se janë shumë larg njëra-tjetrës.

Situata me korsitë e biçikletave në Tiranë mbetet problem, madje ka pasur gjithmonë pakënaqësi tek çiklistët. Madje dhe në rrugët ku ka korsi, parkohen automjetet dhe nuk lejojnë askënd të lëvizë.

Holanda njihet ndryshe si vendi i biçikletave për arsyen e përdorimit të shpeshtë të këtij mjeti transporti, ndërsa Tirana për betonizimin.