Një ditë para finales së Conference League, incidente të shumta janë shënuar në mbrëmjen e të martës mes tifozerive të Feyenord dhe Romës nga njëra anë, si dhe Policisë së Shtetit.
Më problematikët duket se kanë qenë tifozët holandezë, veçanërisht ata që janë grumbulluar që prej ditës së djeshme në rrugën ‘Mustafa Matohiti’, pranë Ushtarit të Panjohur, pranë Drejtorisë së Policisë te ura e Lanës, para Kryeministrisë, si dhe te Pallati me Shigeta, në hyrje të kryeqytetit.
Policia bëri të ditur se si pasojë e këtyre përplasjeve janë plagosur dhjetë efektivë të ruajtjes së rendit, si dhe janë shoqëruar 60 tifozë në mjediset e Policisë, prej të cilëve 48 janë shtetas italianë dhe 12 holandezë, ndërkohë që numri i tyre vazhdon të jetë në rritje.
Njoftimi i Policisë së Shtetit/ Informacion paraprak
Sonte në mbrëmje, një grup tifozësh kanë lëvizur në drejtim të stadiumit “Air Albania” dhe sipas informacioneve tentonin të përplaseshin me një grup tifozësh të skuadrës tjetër.
Shërbimet e Policisë kanë tentuar t’i ndalojnë në rrugën “Mustafa Matohiti”, ku tifozët e skuadrës Feyenoord, në mënyrë të dhunshme kanë goditur punonjësit e Policisë me shishe qelqi, shkopinj, gurë dhe sende të tjera të forta.
Më pas, një grup tjetër tifozësh, të skuadrës së Romës, kanë lëvizur në drejtim të urës së DVP Tiranë ku dhe atje janë përplasur me shërbimet e Policisë duke përdorur gurë, shishe e shkopinj.
Si pasojë e dhunës së ushtruar nga tifozët e të dy skuadrave, janë plagosur 9 punonjës Policie dhe është dëmtuar një automjet policie.
Shërbimet e Policisë kanë bërë të mundur shpërndarjen e tyre si dhe kanë shoqëruar në ambientet e Policisë 60 shtetas nga grupet e tifozëve të dyja skuadrave, 48 shtetas italian dhe 12 shtetas holandez dhe vijon shoqërimi i personave të tjerë, të përfshirë në akte të dhunshme.
Policia e Shtetit bën thirrje për shmangien e veprimeve të dhunshme, që nuk manifestojnë asnjë lidhje me sportin.
Policia e Shtetit është e vendosur për të garantuar rendin dhe sigurinë, për të parandaluar shkatërrimin e pronës si dhe për të garantuar mbarëvajtjen e aktivitetit sportiv që do të zhvillohet në “Air Albania”. Dhe për këtë ka marrë të gjitha masat që parashikon ligji.
Policia e Shtetit kërkon mirëkuptimin e qytetarëve që të mos provokohen nga individë apo grupe tifozësh që mund të jenë nën efektin e alkoolit dhe të njoftojnë menjëherë në 112 dhe Komisariatin Dixhital çdo tentativë të prishjes së rendit dhe sigurisë.
Të plagosurit: R.K (polic), S.Dh (polic), Sh.M (polic), K.H (polic), S.N (polic), A.G (polic), E.B (polic), A.K (polic), Sh.M (polic), A.M (tifoz italian), D.N (tifoz italian), P.B (tifoz italian), F.R.
Discussion about this post