Ish-kryebashkiaku i Korçës, Robert Kotmillo, ka ndërruar jetë këtë të mërkurë në moshën 85-vjeçare. Ai drejtoi bashkinë e qytetit juglindor nga viti 1996 deri në vitin 2000. Në një intervistë të dhënë për Euroneës Albania, motra e tij, Evelina Kotmilo, shprehu dhimbjen e thellë për humbjen, duke e kujtuar Robertin si një njeri të jashtëzakonshëm.
“Bertin do ta kujtojmë si një njeri të madh, jashtëzakonisht të madh. Bënte shumë për njerëzit, i ndihmonte të gjithë. Na donte shumë dhe e kemi dashur shumë, pavarësisht se ai vitet e fundit zgjodhi të jetonte vetëm,” tha ajo mes lotësh.
Në intervistën e tij të fundit për Euronews Albania, të dhënë më 19 tetor 2024, Robert Kotmillo foli për jetën e tij dhe përkushtimin në karrierën e tij, duke zbuluar se jetonte i vetëm dhe në kushte të vështira ekonomike. Ai tregoi se, megjithëse pati një karrierë të pasur, ajo nuk i la asgjë pas.
Discussion about this post