Përmbyset autobusi në Sauk, 3 të lënduar

Një autobus është përmbysur pranë Saukut te Rruga e Elbasanit. Mësohet se tre persona janë lënduar, por që janë jashtë rrezikut për jetën.

Autobusi gjatë kohës që është përmbysur, është përplasur edhe me një mjet. Pasojat materiale janë të shumta, ndërsa për fat të mirë nuk ka viktima.

“Më datë 26.03.2023, rreth orës 15:45, në Rrugën e Elbasanit, shtetasi G. Q., 42 vjeç, duke drejtuar autobusin e linjës së Krrabës, dyshohet se ka humbur kontrollin mbi drejtimin e autobusit dhe si pasojë autobusi ka dalë nga rruga dhe është përmbysur.

Si pasojë janë dëmtuar 3 shtetas të cilët ndodhen nën kujdesin e mjekëve, jashtë rrezikut për jetën.

Pas testit të alkoolit, drejtuesi i autobusit nuk ka rezultuar nën efektin e pijeve alkoolike.

Në vendngjarje ndodhen shërbimet e ambulancës dhe shërbimet e Policisë”, tha policia.