Një aksident është regjistruar mesditën e kësaj të marte në fshatin Polis të Librazhdit, ku një kamion është përmbysur dhe ka përfunduar pranë murit rrethues të një shtëpie.
Nga informacionet paraprake mësohet se drejtuesi i kamionit ka mbetur i plagosur dhe është dërguar në spitalin e Elbasanit për të marrë ndihmë mjekësore.
Mësohet se kamioni ka qenë pjesë e grupit të punës për shtrimin e rrugës në fshatin Polis, pikërisht aty ku ndodhi aksidenti. Për shkak të amortizimit të rrugës, mjeti i rëndë ka rrëshqitur dhe u përmbys, teksa po bëheshin punime për asfaltimin e atij segmenti rrugor.
Policia ndodhet vendin e ngjarjes dhe po punon për zbardhjen e plotë të rrethanave të aksidentit.
Discussion about this post